Qazaqstanda ortasha aılyq jalaqy týraly málimetter jańartyldy, - dep habarlaıdy Qamshy.kz aqparat agenttigi Ulttyq statısıka búrosynyń derekterine silteme jasap.
"2023 jyldyń II toqsanynda Qazaqstan Respýblıkasyndaǵy ortasha aılyq jalaqy 2022 jyldyń sáıkes toqsanymen salystyrǵanda 17,1 paıyzǵa ósip, 365 502 teńge boldy.
Qazaqstan Respýblıkasyndaǵy jalaqynyń medıanalyq máni 2023 jylǵy II toqsandaǵy baǵalaý boıynsha 240 779 teńge boldy.
2023 jyldyń 1 qańtarynan bastap eń tómengi jalaqy 70 000 teńge bolyp belgilendi", - delingen habarlamada.
Jalaqynyń medıanalyq máni - ósý nemese kemý retimen suryptalǵan derekter jınaǵyndaǵy barlyq jalaqynyń ortasyndaǵy jalaqy deńgeıi.
2022 jylǵy osy toqsanmen salystyrǵanda ortasha aılyq jalaqynyń eń joǵarǵy ósimi baıqalǵan salalar:
- aqparat jáne baılanys – 36 paıyz,
- kólik jáne qoıma – 24,6 paıyz,
- aýyl, orman jáne balyq sharýashylyǵy – 23,7 paıyz,
- kóterme jáne bólshek saýdada satý; avtomobılderdi jáne motosıklderdi jóndeý – 21,8 paıyz.
- bilim berýde ortasha aılyq jalaqynyń ósýi - 10,2 paıyz,
- densaýlyq saqtaý jáne halyqqa áleýmettik qyzmet kórsetý – 15,6 paıyz.
Alaıda naqty mánde jalaqy kólemi byltyrǵy ekinshi toqsanmen salystyrǵanda tómendegen salalar da bar:
- qurylys – 3,5 paıyz,
- turý jáne tamaqtaný qyzmetterin kórsetý – 2,6 paıyz,
- bilim berý – 4,8 paıyz,
- sondaı-aq densaýlyq saqtaý jáne áleýmettik qyzmet kórsetý – 0,1 paıyz.
Óńirlik bóliniste 2022 jylǵy osy toqsanmen salystyrǵanda ortasha aılyq ataýly jalaqynyń eń joǵarǵy ósimi Ulytaý oblysynda tirkelgen – 23,8 paıyz. Eń tómengi ósimi Túrkistan oblysynda – 12,2 paıyz.
"Ortasha aılyq jalaqy týraly aqparat kásiporyndar men uıymdardyń toqsandyq negizde usynatyn eseptik derekteri negizinde qalyptastyrylady. Jalaqy mólsheri kásiporyndardyń eseptelgen jalaqy qorynyń somasyn kásiporyndar qyzmetkerleriniń naqty sanyna bólý arqyly esepteledi.
Búro jarıalaıtyn ortasha jalaqy týraly aqparat bir qyzmetkerdiń eseptelgen jalaqysynyń ortasha mólsherin kórsetedi, ıaǵnı barlyq qosymsha aqylardy, ústemeaqylardy, syıaqylardy, salyqtardy jáne zeınetaqy aýdarymdaryn qosa ala otyryp eskeriledi", - delingen habarlamada
