Almaty ákimdigi avtoturaqqa qoıylǵan avtobýstarǵa qatysty túsinikteme berdi. Qala máslıhatynyń kezekten tys VII sesıasynda depýtat Tımýr Eleýsizov "avtobýstar zıraty" týraly máseleni kóterdi.
"Biz uzaq jyldardan beri jolaýshylar tasymalyn sýbsıdıalaý boıynsha ákimdikke qoldaý bildirip kelemiz, óıtkeni olardyń shyǵyny kóp. Bıyl biz 600 avtobýs pen 100 troleıbýs alýǵa aqsha bólip jatyrmyz", - dep atap ótti depýtat.
Onyń aıtýynsha, áleýmettik jelide qaladaǵy "avtobýstar zıratyna" qatysty másele jıi sóz bolady.
"Nelikten 600 avtobýs jumys istemeıdi jáne turaqta tur – nege qosalqy bólshekter satyp alynyp, ári qaraı paıdalanylmaıdy?" depýtat surady.
Qalalyq mobıldilik basqarmasynyń basshysy Saǵyndyq Telibaev avtoturaqta 823 avtobýs bar ekenin, onyń 651 birligin buryn senimgerlik basqarý negizinde Green Bus JSHS paıdalanǵanyn aıtty.
"Bul avtobýstar 2010-2013 jyldary shyǵarylǵan. Qazirgi ýaqytta olar tozǵandyqtan qalpyna keltirýge kelmeıdi. Al qalǵan 157 avtobýsty Almaty oblysynyń balansyna berdik", - dedi Saǵyndyq Telibaev.
Taǵy 15 avtobýstyń máselesi sheshilip jatyr. Olar 18 metrlik LıAZ avtobýstary. Bul qoǵamdyq kólikterge qosalqy bólshekter satyp alynyp, jóndeledi deıdi bılik.
