Eńbek jáne halyqty áleýmettik qorǵaý mınıstrligi Qazaqstandaǵy zeınetaqynyń ortasha mólsherin jarıalady. 

Eńbek jáne halyqty áleýmettik qorǵaý mınıstrliginiń málimetinshe, 1 tamyzdaǵy jaǵdaı boıynsha zeınetkerler sany 2 mln 301 myń adamdy quraıdy.

2023 jylǵy 1 tamyzdaǵy jaǵdaı boıynsha jıyntyq zeınetaqynyń ortasha mólsheri 120 923 teńgeni qurady, onyń ishinde yntymaqty zeınetaqy mólsheri – 83 092 teńge, bazalyq zeınetaqy – 37 831teńge.

Eske salaıyq, shildede jalpy zeınetaqynyń ortasha mólsheri 120 641 teńge boldy.

Eńbek mınıstrliginde 2018 jylǵy 1 shildeden bastap memlekettik bazalyq zeınetaqy tólemi árbir alýshyǵa onyń zeınetaqy júıesine qatysý ótili eskerile otyryp, jeke taǵaıyndalady.

Bul rette, kórsetilgendeı, zeınetaqy júıesine qatysý ótiline 1998 jylǵy 1 qańtardaǵy jaǵdaı boıynsha yntymaqtastyǵy júıesinde eseptelgen eńbek ótili, sondaı-aq mindetti zeınetaqy jarnalary (MZJ) tólengen kezeńder kiredi.

"Eger zeınetaqy júıesine qatysý merzimi 10 jyl jáne odan az bolsa, sondaı-aq bazalyq zeınetaqynyń mólsheri eń tómengi kúnkóris deńgeıiniń 60 paıyzyna teń bolsa, onda 10 jyldan asqan árbir jyl úshin onyń mólsheri eki paıyzǵa artady. Mysaly, qatysý merzimi 20 jyl bolsa, bazalyq zeınetaqy eń tómengi kúnkóris deńgeıiniń 80 paıyz bolady. Eger eńbek ótili 30 jyl jáne odan da kóp bolsa, ol eń tómengi kúnkóris deńgeıiniń 100 paıyzynan aspaıtyn mólsherde belgilenedi", - dedi vedomstvo ókilderi.