Qazaqstandaǵy aptap 42 jyl burynǵy rekordty jańartty, - dep habarlaıdy "Qazgıdromet" RMK.

Sınoptıkterdiń málimetinshe, shilde aıy Qazaqstannyń barlyq aýmaǵynda ystyq boldy.

"Ystyqtyń sharyqtaý shegi batys oblystarda - birinshi onkúndiktiń aıaǵynda, soltústikte - ekinshi onkúndiktiń basynda, shyǵysta, ońtústik-shyǵysta aıdyń ortasynda boldy. Osy ýaqyt ishinde temperatýralyq rekordtar tirkeldi", - delingen habarlamada.

Sınoptıkterdiń boljamynsha, 8 shildede Atyraý meteostansıasynda (M) aýa temperatýrasynyń eń joǵary kórsetkishi 42,0 gradýs ystyq bolsa, sońǵy ret 2011 jyly 41,9 gradýs ystyq bolǵan.

10 shildede Oralda aýa temperatýrasynyń eń joǵary shegi 42,0 gradýsqa deıin kóterildi. Eń joǵary kórsetkish 2015 jyly 26,6 gradýs tirkelgen.

11 shildede Aqtóbede aýanyń maksımaldy temperatýrasy 42,3 gradýs bolyp, 2008 jylǵy burynǵy rekordt 41,0 gradýs bolǵan.

10-12 shildede Qostanaıda úsh kún qatarynan rekordtyq kórsetkish baıqaldy. Aptap 11 shildede 40,5 gradýs 2020 jylǵy burynǵy rekord 37,0 gradýs bolǵan.

Petropavlda 10-13 shildede tórt kún qatarynan temperatýralyq rekordtar tirkeldi. Alaıda eń joǵary aýa temperatýrasy 12 shildede 40,0 gradýsty kórsetti. Osy ýaqytqa deıin mundaı joǵary aýa temperatýrasy áli tirkelmegen. Meteorologıalyq baqylaýdyń tarıhynda bul kúni sońǵy ret aýa temperatýrasynyń eń joǵary deńgeıi 1993 jyly 30,6 gradýs bolǵan.

Pavlodarda 12 shildede kúndiz aýa 38,5 gradýs boldy. 1981 jylǵy rekordty 35,0 gradýs bolǵan.

Kókshetaýda 12 shildede aýanyń maksımaldy temperatýrasy 39,2 gradýs bolyp, meteorologıalyq baqylaýlardyń tarıhynda sońǵy ret aýa temperatýrasy 2013 jyly 30,5 gradýs bolǵan.

Jezqazǵanda úsh kún qatarynan 11-13 shildede aýa temperatýrasynyń joǵary fony baıqaldy, aptaptyń sharyqtaý shegi 13 shildede 44,0 gradýs tirkelip, osy kúndegi rekordtyq kórsetkishke aınaldy. Sońǵy ret aýa temperatýrasynyń eń joǵaryǵy kórsetkishi 2015 jyly 39,5 gradýs bolǵan.

Tarazda 13 shildede aýanyń maksımaldy temperatýrasy 42,1 gradýs boldy. Sońǵy ret aýa temperatýrasy 2016 jyly 38,1 gradýs tirkeldi.

Óskemende 14 shildede aýanyń maksımaldy temperatýrasy 39,9 gradýs bolyp, 2013 jylǵy burynǵy rekordty 34,2 gradýsqa jańartty.

Rıdderde aýanyń eń joǵary temperatýrasy 36,5 gradýs bolyp, 2015 jylǵy 30,9 gradýs rekordyn jańartty.

Astanada eki kún qatarynan 11-13 shildede aýa temperatýrasynyń joǵary fony tirkeldi, aptaptyń sharyqtaý shegi 12 shildede 38,1 gradýs boldy. Eń joǵary aýa temperatýrasy 2013 jyly 32,7 gradýs tirkelgen.