Pavlodarda Jastar úıiniń kámeletke tolmaǵan tárbıelenýshisin zorlaý isi boıynsha sot prosesi aıaqtaldy, - dep habarlaıdy Qamshy.kz aqparat agenttigi Tengrinews.kz-ke silteme jasap.

2022 jyly 16 jastaǵy qyz úsh jigittiń toptasyp qorlaýynan keıin 10 qabatty úıdiń terezesinen sekirip ketken.

Aıyptalýshy tarapta úsh adam bolǵan, olardyń bireýi 19 jasta. Pavlodar oblysynyń qylmystyq ister jónindegi mamandandyrylǵan aýdanaralyq soty ony QR QK-nyń 120-baby 3-1-bóligi "Kámeletke tolmaǵandy ​​zorlaý", 121-baby 3-1-bóligi "Kámeletke tolmaǵanǵa qatysty jynystyq sıpattaǵy zorlyq-zombylyq áreketteri" boıynsha kináli dep tanyp, oǵan 15 jyl 6 aıǵa bas bostandyǵynan aıyrý týraly úkim shyǵarǵan. Sondaı-aq, sot ony jábirlenýshige moraldyq shyǵyn retinde 8 mıllıon teńge tóleýge mindettedi.

Osy is boıynsha taǵy eki aıyptalýshyny sot QR Qylmystyq kodeksiniń 434-baby "Qylmys týraly habarlamaý" boıynsha tórt jylǵa bas bostandyǵynan aıyrǵan.

"Oqıǵadan keıin, qyz sekirip ketken soń, olar jedel járdem shaqyrmaǵan. Biraq oqıǵaǵa kýá bolǵany. Eshteńe bolmaǵandaı tarap ketti", - deıdi Pavlodar oblysynyń mamandandyrylǵan aýdanaralyq qylmystyq ister basqarmasynyń sýdıasy Baqyt Nurlanov.

Sottalǵandar jazasyn ortasha qaýipsizdiktegi túzeý mekemesinde óteıtin bolady. Proses jabyq esik jaǵdaıynda ótti. Sottalýshylardy advokattardan bólek ata-analary men jaqyn týystary qorǵady.

Bastapqyda qyzdy toptasyp zorlaǵany habarlanǵan. Biraq keıin ony úsh jigittiń biri zorlaǵany belgili boldy. Toptyq qorlaýdan qoryqqan ol kópqabatty úıdiń terezesinen sekirip ketken.

Qyz aǵashtarǵa qulap, aman qalǵan. Bir jyldan asa Astana men Pavlodardaǵy aýrýhanalarda jatyp, birneshe ota jasalǵan.

Eske salaıyq, byltyr jazda úsh jigit 16 jastaǵy qyzdy ótirik aıtyp, páterge kirgizip, keıin zorlaǵany týraly aqparat shyqqan bolatyn.