Almaty oblysynda 2002 jyly týǵan qyz sýǵa túsýge tyıym salynǵan  jerde  shomylyp jatyp sýǵa batyp ketken. 

Bul týraly TJD baspasóz qyzmeti málimdedi. Qaıǵyly oqıǵa Qapshaǵaı sý qoımasynda bolǵan. Bir top jastar sýǵa túsý úshin belgilenbegen jerde "Pıoner" demalys aımaǵynyń mańyndaǵy toǵannyń janynda demalyp jatqan. Jastar alkogóldik mas halde sýǵa túsýge bel býǵan. Óz kúshin esepteı almaǵan boıjetken tereńge deıin júzip, sýǵa batyp ketken.

Bul sý aıdyndaryndaǵy qaýipsizdik erejelerin saqtamaý saldarynan bolǵan. Qaýipsizdik erejelerin buzǵan 5 azamat Ákimshilik quqyqbuzýshylyq týraly Kodekstiń 412-baby boıynsha ákimshilik jaýapkershilikke tartyldy, – delingen TJD habarlamasynda.

Almaty oblysynyń tótenshe jaǵdaılar departamenti eskertýler men tyıym salý belgileri bar, eskertý taqtalary ilingen jerlerde sýǵa túsýge, sondaı-aq júzýge jabdyqtalmaǵan, beıtanys jerlerde sýǵa túsýge qatań tyıym salynatynyn eskertedi.