Almaty oblysynda 11 jastaǵy balany naızaǵaı soqty. Sonyń saldarynan balanyń arqasy, beli jáne sol aıaǵynyń tómengi bóligi qatty kúıip qalǵan, dep habarlady oblystyq densaýlyq saqtaý basqarmasynyń baspasóz qyzmeti.

Oqıǵa Qarasaı aýdanynda bolǵan. Bala Almaty qalalyq balalar klınıkalyq aýrýhanasyna 31 shildede túsken. Sol jerde oǵan shuǵyl kómek kórsetildi.

"Naýqasqa arqa, bel aımaǵy jáne sol aıaǵynyń tómengi bóligin termıalyq kúıik shalǵan degen dıagnoz qoıyldy. Qazir bala jaraqat bóliminde emdelip jatyr. Jaǵdaıy ortasha"- dedi aýrýhana dırektorynyń orynbasary Asqar Qalıev.

Dárigerler shilde-tamyz aılarynda naızaǵaı soǵý jaǵdaılary kóbeıetinin eskertip, ata-analardy balalaryna saq bolýǵa shaqyrdy.