Otbasy banki depozıtti satý qyzmetiniń toqtatylatynyn málimdedi, dep habarlaıdy Sputnik Qazaqstan banktiń resmı saıtyna silteme jasap.
Resmı málimetke sáıkes, 2023 jyldyń 21 tamyzynan bastap Otbasy bankinde depozıtti satý qyzmeti qoljetimsiz bolady.
"Biraq depozıtterdi týysqandarǵa tabystaý qyzmeti saqtalyp qalady. Ony tek bank bólimshelerinde ǵana emes, "Otbasy bank" mobıldi qosymshasynda onlaın rejıminde de jasaýǵa bolady. Qyzmetke 5-10 mınýt ýaqyt ketedi", - deıdi bank menedjerleri.
Týysqandardyń sanatyna áıeli-kúıeýi, ata-anasy, balalary, asyrap alýshylar, asyrap alynǵandar, bir ata-anadan nemese ártúrli ata-anadan týǵan aǵa-inileri men apa-sińlileri, atasy, ájesi, nemereleri, ata-anasynyń bir ata-anadan nemese ártúrli ata-anadan týǵan aǵa-inileri men apa-sińlileri, nemere aǵalary jáne ata-ájeleri, nemere aǵalar, apalar men naǵashylar, nemere aǵalar jáne jıender kiredi.
Aıta keter jaıt, "Otbasy bank" mobıldi qosymshasynda onlaın rejıminde depozıtti tek tikeleı týystarǵa – jubaıy, ata-anasy, balalary, asyrap alýshylary (asyrap alynǵandar), týǵan aǵa-inileri men apa-sińlileri arasynda ǵana tabystaýǵa bolady.
"Bir jaqsysy, bank bólimshelerinde týystyq qatynasy joq, biraq ortaq týystary bar adamdar arasynda depozıtterdi tabystaýǵa bolady. Mysaly, salymshy bir mámile aıasynda jarynyń aǵasyna óz depozıtin tabystaı alady. Ol úshin neke (erli-zaıyptylyq týraly kýálik) jáne týystyq qatynasty rastaıtyn qujattar (týý týraly kýálikter, tegi men ákesiniń atynyń tolyq sáıkes kelýi kezinde teginiń ózgergenin rastaıtyn qujat – operasıa jeke basyn kýálandyratyn qujat qajet", - dep atap kórsetti mamandar.
Pikir qaldyrý