Almaty qalalyq soty olıgarh Orıfjon Shadıevke qatysty úkimdi ózgertti, dep habarlaıdy Ulysmedia.kz.

Esterińizge sala keteıik, 21 shildede Almaty qalasynyń Almaly aýdandyq soty Orıfjan Shadıevti Asia Credit Bank-ke 16,7 mlrd teńge kóleminde zalal keltirgeni úshin 1,5 jylǵa bas bostandyǵynan aıyrǵan. Onyń kómekshisi Mıhaıl Solovev bir jylǵa sottaldy.

Apelásıalyq saty eki sottalýshynyń úkimin probasıalyq baqylaýmen bas bostandyǵyn shekteýge ózgertti. Sot ekeýin de qamaýdan dereý bosatý týraly sheshim shyǵardy.

Alaıda Shadıev pen Solovevke qarjy sektorynda basshylyq laýazymdar atqarýǵa ómir boıyna tyıym salyndy.

İs materıaldaryna sáıkes, 2019 jyly Shadıev Asia Credit Bank ıesi Nurbol sultanmen bank aksıalaryn satyp alý týraly kelisim jasasty. Biraq bul úshin bes kompanıanyń nesıelerin óteý qajet boldy. Shadıev qaryz mindettemelerin óz moınyna aldy (16,7 mlrd teńge) jáne aksıalardy satyp aldy. Qaryzdardyń ornyna Almatyda jalpy quny 25 mlrd teńgeden asatyn jeti jer ýchaskesimen usynyldy. Tergeý málimetteri boıynsha, 2021 jyly Shadıev pen Solovev olardy naryqtyq quny 46,8 mlrd teńgeni quraıtyn bir ýchaskege aýystyrý týraly sheshim qabyldady.