Jetisý oblysynyń polısıa departamenti jýrnalıs Sandýǵash Dúısenovany tintý kezinde nelikten sheshindirip vıdeoǵa túsirgenin túsindirdi. 

Jýrnalıske Qylmystyq kodekstiń 147-baby 5-bóligi, adamnyń jeke ómiri týraly aqparatty taratý boıynsha aıyp taǵylǵan. 

Bosap shyqqannan keıin jýrnalıs ózin polıseıler bólimshede sheshindirip, vıdeoǵa túsirgenin aıtqan bolatyn. Osyǵan oraı Jetisý oblystyq PD málimdeme jasady.

"BAQ-ta jáne áleýmettik jelilerde azamatsha Dúısenovany ustaý kezinde polısıa qyzmetkerleri tarapynan zańsyz áreketterdiń bolǵany týraly aqparat tarap jatyr. 11 tamyzda sottyń sanksıasymen sotqa deıingi tergeý aıasynda Dúısenovaǵa jeke tintýi júrgizilgen. Jeke tintý rásimi tergeýshi, krımınalıs jáne eki kýágerdiń qatysýymen (barlyǵy tintilgen adammen bir jynysty) Qylmystyq-prosestik kodeksiniń qatań talaptaryna sáıkes iske asyryldy. Osy tergeý áreketin júrgizý kezinde ǵylymı-tehnıkalyq quraldardy (beınekamera) qoldaný mindetti jáne QPK-men retteledi", - dep málimdedi polısıa.

Jýrnalısti jeke tintý kezinde tyıym salynǵan zattar tabylmaǵan.