Ulytaý aýdanynda "Qazaqmystyń" júzdegen jumysshysy narazylyqqa shyqqan. Olar ken orny basshylyǵyna 15 talap qoıǵan.

13 tamyzda túngi aýysymǵa shyqqan Sátbaev qalasyndaǵy №65 shahtanyń qyzmetkerleri jumysyn toqtatqan. Olardyń aıtýynsha, narazylyq aksıasyna korporasıanyń basqa fılıaldarynyń qyzmetkerleri de qosyldy.

Shahterlerdiń tómendegideı talap qoıǵan:

1) eńbek jaǵdaıyn jaqsartý;
2) múgedektik paıyzyn 29-dan 50 paıyzǵa deıin arttyrý;
3) jaqynda kásiporynda qaıtys bolǵan jumysshy E. Erbosynovtyń ulyn jumysqa alý;
4) demalys kúnderin 48 kúnnen 54 kúnge deıin sozý;
5) jumysshylardyń bir jarym jyl eńbek ótilin esepke alý;
6) eski taý-ken jabdyqtaryn kondısıoneri bar jańa qondyrǵylarǵa aýystyrý;
7) shahtalarǵa jumysshylar qabyldaý;
8) jumysshy jetispeýshiligin túsindirý.

Sonymen qatar, narazylyq bildirýshiler medısınalyq saqtandyrý sharttaryn qaıta qaraýdy, shahterlar kúnine oraı 100 myń teńge kóleminde syıaqy tóleýdi suraǵan.

Qazir kenshilermen kelissózder júrgizilip jatyr. İs boıynsha óńirlik jedel shtab qurylǵan.