İshki ister mınıstriniń birinshi orynbasary Marat Qojaev polısıa qyzmetkerleriniń jýrnalıs Sandýǵash Dúısenovany sheshindirip tintýi jóninde tilshilerdiń suraǵyna jaýap berdi. Onyń aıtýynsha, istiń bári zańmen reglamenttelgen.

"Qylmystyq is áli tergelý ústinde. Bizdiń qyzmetkerlerdiń is-áreketteriniń zańdylyǵyn prokýrorlar, odan keıin sot tekseredi. Sol jerde kemshilik anyqtalyp, qyzmetkerlerimiz mindetterin durys atqarmasa, sot úkimi shyqqannan keıin keshirim suraýǵa daıynbyz", - dedi Marat Qojaev.

Alaıda mınıstr jýrnalısterdiń "osy jaǵdaı úshin polısıa jýrnalısen keshirim suramaı ma?" degen suraǵyna naqty jaýap bere almady.

"Zańda naqty jazylǵan: qylmystyq isterdi tergeý kezinde zań aıasynda jasalǵan is-áreketterdiń bári azaptaýǵa jatpaıtyny jazylǵan", – deıdi Qojaev.