Bas prokýratýra taldyqorǵandyq jýrnalıs Sandýǵash Dúısenovaǵa qatysty qylmystyq istiń toqtatylǵanyn habarlady.

12 tamyzda Sandýǵash Dúısenovanyń ústinen qylmystyq is qozǵalǵany málimdengen bolatyn.

14 tamyzda Dúısenova Jetisý oblysynyń prokýrory Madıar Basshybaevpen qylmystyq jaýapkershilikke tartý máselesi boıynsha jeke qabyldandy. Onyń dálelderin eskerip, prokýratýra zertteý úshin qylmystyq isti suratyp aldy. Qylmystyq kodekstiń 147-baby 5-bóligine sáıkes, BAQ-ta derbes derekterdi zańsyz taratý saldarynan adamnyń quqyǵy men múddesine eleýli zıan kelse, adam qylmystyqtyq jaýapkershilikke tartylady.

Alaıda tergeý barysynda jábirlenýshige eleýli zıan keltirilgenin rastaıtyn jetkilikti naqty derekter anyqtalǵan joq. Osyǵan baılanysty Taldyqorǵan qalasy prokýrorynyń qaýlysymen sotqa deıingi tergeý is-árekette qylmystyq quqyqbuzýshylyq quramynyń bolmaýyna baılanysty toqtatyldy, - dep jazylǵan habarlamada.

Áreket qylmystyq jaýapqa ákep soqpasa, onda Ákimshilik quqyqbuzýshylyq týraly kodekste derbes derekterdi zańsyz jınaý jáne óńdeý úshin ákimshilik jaýapkershilik kózdelgen.

Sondyqtan materıaldar Ákimshilik quqyqbuzýshylyq týraly zańnamaǵa sáıkes, olardy qaraý úshin aqparattyq qaýipsizdikti qamtamasyz etý salasyndaǵy ýákiletti organǵa joldandy.