Ekologıalyq zań buzýshylyqtarǵa jol bergeni úshin "Teńizshevroıl" kompanıasyna 2,8 mlrd teńge aıyppul salyndy. Bul týraly Atyraý oblysynyń ekologıa departamenti habarlady.

2023 jyly Atyraý oblysynyń mamandandyrylǵan tabıǵat qorǵaý prokýratýrasy "Teńizshevroıl" JSHS qorshaǵan ortaǵa ekologıalyq emısıalardy ruqsatsyz shyǵarǵanyn, ruqsat etilgen normatıvterden asyryp jibergenin jáne jerdi búldirgenin anyqtap, zań buzýshylyqqa jol bergen tulǵany ákimshilik jaýapkershilikke tartýdy usyndy, - dep jazylǵan habarlamada.

Sol sebepti Atyraý oblysy boıynsha ekologıa departamenti "Teńizshevroıl" JSHS-ne qatysty Ákimshilik quqyqbuzýshylyq týraly kodekstiń 328 jáne 337-baptary boıynsha ákimshilik quqyqbuzýshylyq týraly hattamalar jasap, qaraý úshin Jylyoı aýdandyq sotyna joldady.

Jylyoı aýdandyq sotynda joǵaryda atalǵan ister biriktirile qaralyp, sot nátıjesinde "Teńizshevroıl" JSHS-ne jalpy somasy 2,8 mlrd teńge kóleminde ákimshilik aıyppul salyndy.