Byltyr tamyzda Jambyl oblysyndaǵy "Shóldala" shekara beketinde merzimdi áskerı qyzmetker qaıtys bolǵannan keıin 5 áskerı qyzmetshi jumystan shyǵarylǵan, - dep habarlaıdy Tengrinews.kz tilshisi.

Bul týraly UQK SHQ tárbıe, ıdeologıalyq jáne kadr jumysy departamenti bastyǵynyń orynbasary – kadr basqarmasynyń bastyǵy polkovnık Erik Berikov málimdedi.

"Oblystyq departamenttiń bastyǵy, shekara basqarmasynyń basshysy, zastavanyń bastyǵy jáne tárbıe jumysy jónindegi orynbasarlary laýazymynan alyndy", - dedi Erik Berikov OKQ brıfıńinde.

Esterińizge sala keteıik, Jambyl oblysynda áskerı boryshyn ótep jatqan 18 jastaǵy merzimdi sarbaz 2022 jyldyń tamyzynda óz-ózine qol jumsady. Tergeý kezinde óz-ózine qol jumsaýdyń sebepteriniń biri retinde sarbazǵa jynystyq zorlyq-zombylyq kórsetilgeni qarastyryldy. 2023 jyldyń qańtarynda kúdiktiniń advokaty Serjan Pralıev baspasóz máslıhatyn ótkizip, onda júrgizilgen bıologıalyq saraptamanyń nátıjeleri týraly aıtty.

Bas prokýratýranyń aqpan aıyndaǵy málimetinshe, soldattyń óz-ózine qol jumsaý sebebi, forposta birge qyzmet etken áskerı qyzmetkerdiń bılikti asyra qoldanýy. Ol psıhologıalyq turǵydan júıeli túrde Mırash B-ny, sondaı-aq basqa áskerı qyzmetkerlerdi uryp, qorlaǵan dep kórsetilgen is materıalynda.