2024 jyldyń shildesinen bastap qazaqstandyqtar memlekettik tirkeý nómirlerin jańa ıesine onlaın rejıminde bere alady. Bul týraly sıfrlyq damý mınıstri Baǵdat Mýsın aıtty.

"Búgingi tańdaǵy eń úlken jetistiktiń biri - 2024 jyldyń shildesinen bastap qazaqstandyqtar kólik nómirin, dálirek aıtsaq, memlekettik tirkeý nómiri belgilerin jańa ıesine onlaın rejıminde bere alýy. Buryn kólik satyp alǵanda – tipti onlaın tranzaksıa jasaǵanda – jańa ıesi jańa nómir alý úshin arnaıy HQO-ǵa kelýi kerek edi. Endi bul qajettilik joıyldy. Sonymen qatar, suranysy joǵary kólik nómirlerin jaqyn týystaryna berý múmkindigin jasaýdy qolǵa aldyq", - dedi mınıstr.

Taǵy bir mańyzdy jańalyq bar. Menshik ıesi turǵylyqty jerin aýystyrǵan kezde suranysqa ıe memlekettik tirkeý nómirlik belgileriniń qaıta tirkelýin alyp tastaǵymyz keledi, deıdi mınıstr.