"ArselorMıttal Temirtaý" AQ Kómir departamentiniń "Qazaqstan" shahtasyndaǵy órtten keıin joǵalyp ketken 5 kenshiniń ekeýi óli kúıinde tabyldy. Ázirge qaza tapqandar jaıly naqty derekter joq. 

Eske sala keteıik, búgin  ArselorMıttal Temirtaý AQ-ǵa qarasty "Qazaqstan" shahtasynda konveıer taspasy órtenip, apat boldy. Buǵan deıin 224 qyzmetker jer betine shyǵarylyp, 3 adam áli qutqarylmaǵany belgili bolǵan edi. Keıinnen apatqa baılanysty qylmystyq is qozǵaldy.

Qaraǵandy oblysy ákimdiginiń málimetinshe, apat ornynda 13 adam dárigerlerge  júgingen. Olar bas aýrýy, jótelge shaǵymdanýda. Qazirgi ýaqytta tórteýi aýrýhanaǵa jatqyzyldy: ekeýi – Shahtınsk ortalyq aýrýhanasyna, ekeýi – oblystyq medısınalyq ortalyqqa.