“ArselorMıttal Temirtaý” kompanıasynyń kómir departamentine qarasty "Qazaqstan" shahtasyndaǵy apat kezinde zardap shekkender sany 13 adamǵa jetti. Budan bólek "Arselor-Mıttal Temirtaý" taý-ken segmenti atqarýshy dırektorynyń orynbasary Sergeı Ogaı ekinshi jumysshynyń denesi tabylǵanyn habarlady. 

Qazirgi málimet boıynsha, aýrýhanada jatqan eki shahter jan saqtaý bóliminen toksıkologıa bólimine aýystyrylǵan.

"Osy 17 tamyzynda «Profesor H.J. Maqajanov atyndaǵy kópbeıindi aýrýhanasyna» 9 shahter jetkizildi. Olardyń ekeýi reanımasıadan toksıkologıa bólimine aýystyryldy. Jaǵdaılary aýyrlaý. Pasıentter sanaly. Aýyrlyǵy jedel ıntoksıkasıa sındromy men ensefalopatıaǵa, gemodınamıkanyń turaqsyzdyǵyna, ýlanýdyń toksıkogendik kezeńine baılanysty. Gemodınamıkalyq kórsetkishter turaqty", - delingen habarlamada.

Qalǵan 7 adam toksıkologıa bóliminde. Olardyń jaǵdaıy – ortasha aýyr. Aýyrlyǵy jedel ıntoksıkasıa sındromy men ensefalopatıaǵa baılanysty. Gemodınamıkalyq kórsetkishter turaqty.

Eske salaıyq, buǵan deıin ArselorMıttal Temirtaý Kómir departamentiniń "Qazaqstan" shahtasyndaǵy órt saldarynan eki qyzmetker óli tabylǵany habarlanǵan bolatyn. Biraq keıinirek tek bir adamnyń ólimi rastalǵany aıtyldy. Ol - kompanıa qyzmetkeri, 1965 jyly týǵan Vıtalıı Vladımırovıch Slúnkov (jerasty elektrsheberi, 5-razrád, eńbek ótili 39 jyl).