Ulytaý oblysynda quny shamamen 300 mln teńge bolatyn 13 myń metrden astam qubyr urlanǵan, dep habarlaıdy qarjylyq monıtorıń agenttigi.
"Memlekettik mekemeniń burynǵy basshysy bir top adammen aldyn ala sóz baılasyp, jalpy somasy 288 mln teńgeden astam memleket múlkin urlaǵany anyqtaldy", - delingen habarlamada.
Urlyq faktisin anyqtaý kezinde laýazymdy tulǵa atalǵan nysannyń memlekettik organnyń balansynda joqtyǵy týraly jalǵan anyqtamalar berip, tergeýdi qasaqana jańylystyrǵan.
Bul qubyr Jezqazǵan qalasynyń áýejaıy mańynda ornalasqan saıajaı ýchaskelerin sýmen qamtamasyz etýge arnalǵan.
Aıta keteıik, qazirgi ýaqytta atalǵan azamat komýnaldyq kásiporynnyń qyzmetkeri emes. Qylmystyq is sotqa joldandy.
Pikir qaldyrý