"Qazaqstan" shahtasynan úshinshi shahtashynyń denesi tabyldy. Qazir marqumnyń jeke basyn anyqtaý jumystary júrip jatyr. Bul týraly "Arselor Mıttal Temirtaý" habarlady.

Qaıtys bolǵan shahtashylardyń otbasyna kompanıa tarapynan kómek kórsetiletin boldy. Atap aıtqanda:

1) jerleý shyǵyndaryn jabý;

2) qaıtys bolǵan jumysshylardyń 10 jyldyq eńbekaqysy;

3) árbir balaǵa aı saıynǵy saqtandyrý tólemi;

4) 23 jasqa deıingi balalarǵa qatysty barlyq shyǵyndar (oqý aqysy);

5) turǵyn úıi joqtarǵa baspana;

6) turǵyn úıi barlarǵa jóndeý jumysy;

7) ıpotekalyq tólemderdi jabý;

8) marqumdardyń jubaıy men bala-shaǵasyn jumysqa ornalastyrý;

9) áıelder men balalarǵa jyl saıyn sanatorııge joldama.

Eske sala keteıik, 17 tamyzda Shahtınsk qalasyndaǵy "Qazaqstan" kómir kenishinde órt shyǵyp, 222 jumysshy evakýasıalanǵan edi. 5 shahtashy jer astynda qalyp qoıǵan. Kesheli beri olardyń ekeýiniń jansyz denesi tabyldy. Qalǵan 2 adam áli izdestirilip jatyr.