Taldyqorǵan qalasyndaǵy tergeý abaqtysynda otyrǵan jýrnalıs Dýman Muhamedkárimniń jaǵdaıy týraly advokaty málimdeme jasady. Advokat Jalǵas Saparhanovtyń aıtýynsha, qamaýdaǵy jýrnalıs saýsaǵyn shaýyp, qaıta ashtyq jarıalamaq bolǵan. 

Dýman Muhamedkárim buǵan deıin ózin Almaty qalasyndaǵy №72 mekemesine aýystyrý týraly talap qoıǵan bolatyn. Áli kúnge deıin jýrnalısiń talaby oryndalmady.

"Ata-anasy zeınetker jasta bolǵandyqtan, olardyń kelip-ketýin alańdaıdy, ýaıymdaıdy. Osy talaby oryndalmaı jatqandyqtan, 19.08.2023 jyly kúndiz saǵat 15:00 shamasynda sol qolyndaǵy besinshi, kishi saýsaǵyn shappaq bolǵan, qapasta eshbir temir zat bolmaǵandyqtan, plasıkalyq zatty alyp saýsaǵyn shappaq bolǵanda plasıkalyq zat synyp ketken, nátıjesinde saýsaǵy jyrylyp, kógerip, isip ketken. Kórip, ýaıymdap qaldym, talabym oryndalmaıynsha saýsaǵymdy bir kúni shabamyn dep otyr", dep jazdy advokat. 

Dýman Muhamedkárim búginnen bastap talaby oryndalmaıtyn bolsa 1 qyrkúıekten bastap ashtyq jarıalap, saýsaǵyn shabatynyn aıtqan.