Sybaılas jemqorlyqqa qarsy qyzmet Pavlodar oblysynyń burynǵy ákimi Ǵalymjan Jaqıanovqa qatysty qylmystyq is boıynsha tergeý bastady. 

"Pavlodar oblysy boıynsha sybaılas jemqorlyqqa qarsy kúres departamenti UQK-nen Pavlodar oblysynyń burynǵy ákimi Ǵalymjan Jaqıanovqa jáne basqalarǵa qatysty sotqa deıingi tergep-tekserýdi óndiriske qabyldady. Tergeý múddesine qatysty ózge málimetter jarıa etilmeıdi" – delingen vedomstvonyń informburo.kz saýalyna bergen jaýabynda. Bul týraly Orda.kz jazdy. 

Eske sala keteıik,  Ǵalymjan Jaqıanov 1994-1997 jyldar arasynda Semeı oblysynyń ákimi, odan keıin Strategıalyq resýrstardy baqylaý agenttigin basshysy, 1997-2001 jyldary Pavlodar oblysynyń ákimi qyzmetin atqarǵan.

2001 jyly Jaqıanov 2018 jyly Astana soty ekstremıstik uıym dep tanyǵan "Qazaqstannyń demokratıalyq tańdaýy" qoǵamdyq birlestigin qurýǵa qatysqan.

2002 jyly Jaqıanov bıligin asyra paıdalandy degen aıyppen jeti jylǵa sottalǵan bolatyn. "Azattyq" radıosynyń habarlaýynsha, qylmystyq iste memleketke 116 myń AQSH dollary kóleminde keltirilgen zalal keltirilgen.

2006 jyly Jaqıanov shartty túrde bostandyqqa shyǵyp, birneshe jyldan keıin Qazaqstannan kóship ketken bolatyn.