«Teran», «Batystyń sońǵy dıktatory», «orys marıonetkasy». Iá, bul Belarýssıa prezıdenti Aleksandr Lýkashenkoǵa qatysty aıtylatyn teńeýler. Tutas memleketti 1991 jyldan bastap jumsa  judyryǵynda, ashsa alaqanynda ustap kele jatqan prezıdent búgingi kúnniń eń talqylanyp júrgen taqyryby.

            Másele mynada:  Ótken demalys kúnderi Belarýssıada prezıdent saılaýy ótti. Onyń nátıjesi juma kúni tolyq belgili bolady-mys. Biraq sarapshylar Lýkashenkony búginnen bastap quttyqtap jatyr. Beıresmı aqparttarǵa súıensek, ol saılaýshylardyń 81% daýysyn jınaǵan eken. Demek sózinde turdy.

            Bulaı deıtinimizge de sebep bar. Lýkashenko dúıim jurttyń aldynda óziniń maqsaty 80% daýysty jınaý dep jarıalaǵan bolatyn. Endi mine Alesha 5-shi ret qatarynan Belarýssıanyń prezıdenti atanyp otyr.

            Dıktatorlyq saıasatqa Batystyń kóz- qarasy aıtpasa da belgili. Sarapshylardyń aıtýynsha terannyń bul saılaýda jeńip shyǵatynyna eshqandaı kúman bolmaǵan. Mine, kerek bolsa... Endeshe qutty bolsyn. Saılaýlarda jeńetin, tik minezdi keletin, elge kómek beretin basshynyń aty kim? «Lý-Ka-SHen-Ko»...

            Lýkashenkonyń jeńiske jetýimen seriktes memlekettiń basshylary quttyqtaý jarıalaǵan.

            Endigi kezek mynada, Lýkashenkonyń prezıdent saılaýynda jeńiske jetýine tutas Belarýssıa ornynan turyp, qol shapalaqtap qýandy deýge kelmeıdi. «Azattyq.org»-tyń málimdemesine súıenetin bolsaq, «eski-jańa» prezıdenttiń qaıta saılaýyna baılanysty elde tolqýlar bolǵan. «Teran - ket», «Dıktatýraǵa boıkot», «Belarýssıanyń Lýkashenkomen baılanysy joq» degen qaǵazdary bar 200-den astam azamat Mınskiniń kóshesin shýlatty kelip.

            Biraq aıta ketýimiz kerek, bul mıtıńter Lýkashenkonyń ár saılaýynan keıin bolatyn úrdis. Sondyqtan «Batá»-nyń kóńil kúıi túse qoımaǵan bolýy kerek.

            P.S. Aıta ketetin taǵy bir jaıt. Lýkashenkonyń qarsylastary da el arasynda  ataǵy jer jaryp, qaýip tóndiretin saıasatkerler emes. Saılaý nátıjesi mynadaı bolady dep kútilýde. Sergeı Gaıdýkevıch 5,2% , Nıkolaı Ýlahovıch — 1,4%, Tatána Korotkevıch — 4,9%, «barlyǵyna qarsy» - 7,1%. Iá, bul kórsetkishpen batystyń eń myqty saıasatkerleri de jeńispe jetpegen bolar. Sóz sońy osy. Jyǵylǵan súringenge kúlediniń keıpin kıip Lýkashenko basqaratyn eldiń enjarlyǵyn talqylap otyrǵan jaıymyz bar.

Aıan AZAMAT

«Qamshy» silteıdi