2024-2026 jyldarǵa arnalǵan respýblıkalyq búdjet týraly zań jobasynda tuńǵysh prezıdent keńsesi men kitaphanasy qyzmetine qarajat qarastyrylmaǵan. Tıisti ózgerister «Ashyq quqyqtyq aktiler» portalynda jarıalanǵan.

2022 jylǵy 1 jeltoqsandaǵy «2023 - 2025 jyldarǵa arnalǵan respýblıkalyq búdjet týraly» zańda Tuńǵysh Prezıdent keńsesine jumsalatyn shyǵystar, sondaı-aq Nazarbaevtyń óziniń jáne onyń kitaphanasy qyzmetin qamtamasyz etý qyzmetteri belgilengeni kóńil aýdararlyq. 

Nátıjesinde qazirdiń ózinde qabyldanǵan zań boıynsha: 2023 jyly keńsege 1,6 mlrd teńge, 2024 jyly – 1,9 mlrd teńge, 2025 jyly – 2,1 mlrd teńge bólinedi.

Kitaphana shyǵyndary josparlandy:

2023 jyly – 960 mln.teńge,2024 jyly – 1,2 mlrd.teńge,2025 jyly – 1,3 mlrd.

Nazarbaevtyń óz basyna qatysty qamtamasyz etý jónindegi qyzmetteri úshin:

2023 jyly – 600 mln. teńge,2024 jyly – 800 mln. teńge,2025 jyly – 800 mln.teńge.

Endi «eger jańa zań jobasyna sáıkes 2026 jylǵa deıin bundaı shyǵyndar qarastyrylmasa, osy maqsattarǵa búdjetten aqsha bóline me?» degen suraq týyndaıdy.