Reseı prezıdenti Vladımır Pýtın "Vagner" áskerı jasaǵynyń negizin qalaýshy Prıgojınniń ólimine qatysty pikir bildirdi. Bul týraly ol Donesk respýblıkasynyń basshysy Denıs Pýshılınmen kezdesý kezinde aıtty. 

"Eń aldymen ushaq apatynan qaza tapqandardyń otbasyna shyn nıetpen kóńil aıtqym keledi. Qaza tapqandar Ýkraınadaǵy neo-nasıstik rejımmen kúreske aıtarlyqtaı úles qosty. Biz muny árdaıym este saqtaımyz, jaqsy bilemiz ári eshqashan umytpaımyz", dedi Pýtın. 

Budan bólek Pýtın Prıgojınge qatysty da birer aýyz pikir bildirdi. 

"Prıgojındi men burynnan tanımyn. 1990 jyldardan beri tanyspyz. Prıgojınniń taǵdyry aýyr azamat edi. Iá, ómirinde talaı qatelik jasady. Óziniń oılaǵan nátıjelerine qol jetkizdi. Sondaı-aq meniń ótinishimmen jasalǵan ortaq isimizde de jaqsy nátıje kórsetti. Ol talantty azamat, talantty kásipker", deıdi Reseı prezıdenti. 

Pýtın Prıgojınniń tek Reseıde ǵana emes Afrıka elderinde de jumys istegenin eske aldy. Shetelde kásipker munaı, gaz, qymbat metaldarmen aınalysqan aıtty.  Prezıdentiń aıtýynsha, Afrıkadan kelgen Prıgojın Reseıde birneshe tulǵamen kezdesken.

"Bul týraly maǵan búgin tańerteń tergeý komıtetiniń basshysy baıandady. Oqıǵaǵa qatysty aldyn ala tergeý jumystary bastaldy. Tergeý jumystarynyń tolyq júrgizilip, sońyna deıin jetetinine esh kúmán bolmasyn", dep sózin aıaqtady Pýtın.