Almatyda 40 shet el azamaty elden shyǵaryldy. Bul týraly kóshi-qon qyzmeti málim etti.

Sheteldik azamattar Qazaqstan Respýblıkasynyń halyqtyń kóshi-qony týralv zańnamasyn buzǵan. Olar elde zańsyz júrgen.

"Bir aptanyń ishinde 216 sheteldik ákimshilik jaýapkershilikke tartyldy. Onyń ishinde 38 alys shetel azamaty (Afrıka elderinen – 17; Túrkıadan 11 adam),kórshiles elderdiń 178 azamaty bar. Sonymen qatar, 105 shetel azamatynyń (Ózbekstannan – 66, Tájikstannan – 25 jáne Nıgerıadan – 8) jeke basyn kýálandyratyn qujaty bolmaı, qabyldap-taratýǵa ornalastyryldy. Sot sheshimimen Qazaqstannan 40 sheteldik shyǵaryldy. Onyń 22-si – Ózbekstan azamaty, 11-i – Nıgerıa azamaty" – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.

Sondaı-aq, Qazaqstan Respýblıkasynyń kóshi-qon zańnamasyn óreskel buzyp, shetel azamattaryn qabyldaǵan 54 jeke jáne zańdy tulǵa ákimshilik jaýapkershilikke tartyldy.