Spıkerdiń málimetinshe, 2021 jyly sheshim shyǵarýmen aıaqtalǵan 767 istiń jartysy talap qoıýdy qanaǵattandyrý jaıly, atap aıtqanda 354 nemese 46%.
2022 jyly sheshim shyǵarýmen aıaqtalǵan 1939 istiń jartysy talap qoıýdy qanaǵattandyrý jaıly (996 nemese 51%). Aǵymdaǵy jyldyń 6 aıynda sheshim shyǵarýmen aıaqtalǵan 701 istiń jartysy talap qoıýdy qanaǵattandyrý jaıly (49,5%).
 
Sonymen qatar ol, 30 tamyz 1995 jyly respýblıkalyq referendýmda qabyldanǵan Konstıtýsıaǵa 7 ret ózgerister engizilgenin eske saldy. Bul rette, 2023 jylǵy 5 maýsymdaǵy respýblıkalyq referendýmda qabyldanǵan Konstıtýsıaǵa eleýli ózgeristerdiń biri Konstıtýsıalyq sot qurý bolyp tabylady. Mundaı organ 1992 jyldan 1995 jylǵa deıin jumys istedi, dep atap ótti spıker.

“Qazaqstan Respýblıkasy Konstıtýsıasynyń 72-babynyń 3-tarmaǵynda azamattardyń ótinishteri boıynsha Konstıtýsıalyq sot Konstıtýsıada bekitilgen olardyń quqyqtary men bostandyqtaryn tikeleı qozǵaıtyn Qazaqstan Respýblıkasynyń normatıvtik quqyqtyq aktilerin Qazaqstan Respýblıkasynyń Konstıtýsıasyna sáıkestigin qaraıdy dep kózdelgen. Konstıtýsıalyq Sot Tóraıymy Elvıra Asımovanyń 2023 jylǵy 21 tamyzdaǵy “The Astana Times” basylymyndaǵy maqalasynda kelip túsken 4000 ótinishtiń tórtten biri qaralǵany jón ekeni aıtylǵan. Sýdıalar 23-i boıynsha qaýly shyǵardy, 40-y qaralýda”, - dep bólisti ol.

Konstıtýsıalyq Sottyń quzyretine sáıkes sot jyl saıyn Parlamentke Qazaqstan Respýblıkasyndaǵy konstıtýsıalyq zańdylyqtyń jaı-kúıi týraly joldaý jiberedi. Konstıtýsıanyń 4-babynyń 2-tarmaǵynda kórsetilgendeı, Konstıtýsıa Respýblıkanyń búkil aýmaǵynda joǵary zańdyq kúshke jáne tikeleı qoldanysqa ıe.

Brıfıń sońynda sýdıalar almatylyqtardy Konstıtýsıa merekesimen quttyqtady.

«Konstıtýsıa-azamattardyń qoǵamdyq jáne rýhanı kelisimin nyǵaıtatyn jáne egemendik pen quqyqtyq memlekettiń kepili bolyp tabylatyn negizgi zań. Barlyq almatylyqtardy merekemen quttyqtaımyz jáne sizderge amandyq, baqyt jáne tabys tileımiz», - dep túıindedi R. Aınaqulova.