Qazaqstan prezıdenti Qasym-Jomart Toqaevtiń jarlyǵymen úkimetke jańa mınıstrler taǵaıyndaldy. 

Marat Qarabaev Kólik mınıstri laýazymyna taǵaıyndaldy. Buǵan deıin ol Indýstrıa jáne ınfraqurylymdyq damý mınıstri bolǵan.

Arman Shaqqalıev Saýda jáne ıntegrasıa mınıstri bolyp taǵaıyndaldy. Buǵan deıin ol Saýda jáne ıntegrasıa vıse-mınıstri boldy.

Svetlana Jaqypova Eńbek jáne halyqty áleýmettik qorǵaý mınıstri bolyp taǵaıyndaldy.

Ermek Marjyqpaev Týrızm jáne sport mınıstri bolyp taǵaıyndaldy. Buǵan deıin ol Aqmola oblysy ákiminiń qyzmetin atqarǵan.

Sonymen qatar: 

Ernar Baspaev Prezıdent keńesshisi, al Áset Irǵalıev Prezıdenttiń ekonomıka máseleleri jónindegi kómekshisi bolyp taǵaıyndaldy.

Tamara Dúısenova premer-mınıstrdiń orynbasary laýazymynda qaldy. Biraq Eńbek jáne halyqty áleýmettik qorǵaý mınıstri qyzmetinen bosatyldy.

Serik Jumanǵarın premer-mınıstrdiń orynbasary qyzmetine taǵaıyndaldy. Buǵan deıin ol saýda jáne ıntegrasıa mınıstri bolǵan.