"Qazaqstan temir joly" ulttyq kompanıasy jolaýshylar men júk bagajyn bıletsiz ótkizetin deldaldarǵa qarsy sharalar kúsheıtiletinin habarlady.
Arnaıy keńeste birqatar sheshimder ázirlendi. Olar:
-
poıyzdarda tekseristerdi kóbeıtý, bılettiń bar-joǵyn qaraý;
-
kólik polısıasy narádtary bar poıyzdar sanyn barynsha arttyrý;
-
temirjol vokzaldarynda beınebaqylaý kameralaryn ornatý jumystaryn jalǵastyrý;
Budan bólek, jolaýshylarmen jumys isteıtin qyzmetkerlerdiń laýazymdyq nusqaýlyqtaryna úshinshi tulǵalarǵa bıletsiz jol júrýge jáne resimdelmegen bagajdy tasymaldaýǵa zańsyz kómek kórsetkeni úshin jaýapkershilikti engiziledi. Jolserikter de zań aldynda jaýap beredi.
Aıta keteri, Ákimshilik quqyq buzýshylyq týraly kodekstiń 623-babynda jolaýshylardy bıletsiz tasymaldaǵany úshin jaýapkershilik normasy qarastyrylǵan:
- halyqaralyq qatynas poıyzdarynda – 7 AEK (24 150 teńge) mólsherinde aıyppul;
- respýblıkanyń ishindegi poıyzdarda – 5 AEK (17 250 teńge) mólsherinde aıyppul.
Sondaı-aq, 2020 jyldan bastap Qazaqstanda bıletterdi qaıta satqany úshin aıyppul somasy 100-den 500 AEK-ke deıin (265 myńnan 1,3 mln teńgege deıin) quraıdy.
Pikir qaldyrý