Aqmola oblysy kolonıasynyń 9 qyzmetkeri belsendi Tımýr Dánebaevty uryp-soǵyp, azaptaǵany úshin jumystan shyǵaryldy. 

Qyzmettik tekseris qorytyndysy boıynsha jeti qyzmetker men eki basshy óz laýazymdarynan aıyrylǵan. Qazirgi tańda sotqa deıingi tergeý jumystary júrip jatyr, biraq istiń qaı bap boıynsha qaralyp jatqany belgisiz. Bul týraly Atbasardaǵy kolonıaǵa barǵan quqyq qorǵaýshy Elena Semenov áleýmettik paraqshasynda jazdy.

Al qylmystyq-atqarý júıesi komıteti qylmystyq is qozǵalǵanyn rastaǵanmen jumystan shyǵarý týraly buıryqty ázirge rastamady.

Eske sala keteıik, Tımýr Dánebaev – Qańtar oqıǵasynan keıin "20 myń terrorıst týraly jalǵan aqparat taratty" dep prezıdent Toqaevtyń ústinen aryz jazbaq bolǵan. Ýkraınadaǵy soǵysqa qarsy pikir aıtqan belsendi byltyr jeltoqsanda "ultaralyq arazdyq qozdyrdy" degen kúdikpen qamalǵan edi. Astana soty 15 maýsymda belsendini úsh jylǵa bostandyǵynan aıyrǵan bolatyn. 

3 qyrkúıek kúni áleýmettik jelide túrme qyzmetkerleri ájethana jýýdan bas tartqan Tımýr Dánebaevty uryp-soǵyp, qınaǵan vıdeosy tarady. Oqıǵa 24 tamyzda Aqmola oblysy Atbasar qalasyndaǵy kolonıada túsirilgen. Vıdeoda kolonıa qyzmetkerleri sottalýshyny dýbınkamen urǵanyn kórýge bolady. Áleýmettik jelidegi vıdeodan keıin İİM qylmystyq-atqarý júıesi komıteti Dánebaevtyń isi boıynsha qyzmettik tergeý bastalǵanyn habarlaǵan bolatyn.