Marokkodaǵy jer silkinisinen qaza tapqandar sany 2122-ge jetti. Bılik ókilderi 2421 adamnyń jaraqat alyp, 1400 adamnyń jaǵdaıy aýyr ekenin habarlady. 

Memlekettiń ortalyǵyna aınalǵan Marrakesh qalasy jer silkinisinen qatty zardap shekken. Qaladaǵy tarıhı oryndar men XII ǵasyrdan saqtalǵan qala qabyrǵalary qıraǵan. 

Eske salsaq, jer silkinisi 8 qyrkúıekte jergilikti ýaqyt boıynsha túngi saǵat 23:11-de bolǵan. Jer asty dúmpýleri Marokkonyń kóptegen qalalarynda, sondaı-aq Ispanıada, Portýgalıada, Aljırde jáne basqa elderde sezildi.

Jer silkinisiniń oshaǵy 18,5 shaqyrym tereńdikte ornalasqan, al magnıtýdasy 6,9 dep baǵalandy. Mamandardyń aıtýynsha, mundaı qatty jer silkinisi Marokkoda sońǵy 123 jylda bolmaǵan.