Sybaılas jemqorlyqqa qarsy qyzmet jemqorlardyń tizimin jarıalaýdy josparlap otyr. Tizimde jemqorlyq úshin sottalǵan adamnyń barlyq deregi kórsetiledi, dep habarlady vedomstvonyń baspasóz qyzmeti.

Vedomstvo jemqorlar tizilimi jumys berýshilerge áleýetti úmitkerdi tazalyq pen adaldyqqa tekserýge múmkindik beredi dep esepteıdi.

“Jemqorlyq quqyqbuzýshylyq jasaǵany úshin zańdy tulǵalardyń jaýapkershiligin kúsheıtý usynyldy. Sondaı-aq, Parlamentte para berý ýádesi men usynysyn krımınalızasıalaý máselesi qaralyp jatyr. Para berý usynysy dep aýyzsha nemese jazbasha, onyń ishinde elektrondyq nysanda para berý týraly anyq jáne túsinikti sóz, al para berý ýádesi dep para berý ýaqyty, orny, tásili týraly habarlamasy bar osyndaı sóz túsiniletin bolady”, – delingen habarlamada.