İİM Qylmystyq-atqarý júıesi komıteti (QAJK) ómir boıyna bas bostandyǵynan aıyrylǵan Vladıslav Chelah shartty túrde merziminen buryn bosatý týraly ótinishin qashan bere alatynyn aıtty.

QAJK Tengrinews.kz resmı saýalyna bergen jaýabynda, Chelahtyń 2037 jyly shartty túrde merziminen buryn bosatý týraly ótinish berýge quqyǵy bar ekenin habarlady.

"Chelah Vladıslav Valerevıch Jetiǵara qalasyndaǵy №39 mekemede jazasyn ótep jatyr. Asa aýyr qylmys úshin sottalǵan. Merzimi 2012 jyldyń 5 shildesinde basalǵan, mekemege 2013 jyldyń 4 naýryzynda kelgen. Shartty túrde merziminen buryn bosatýdyń resmı merzimi - 2037 jyldyń 5 shildesi", - dep habarlady vedomstvonyń baspasóz qyzmeti.

Qazir Chelah 30 jasta. Ol 20 jasynda sottalǵan. 2037 jyldyń shildesinde ol 44 jasqa tolady.

Eske salaıyq, shekarashy bolyp qyzmet etken qaraǵandylyq Vladıslav Chelah 2012 jyldyń jeltoqsanynda ómir boıyna bas bostandyǵynan aıyrylǵan. Ol 2012 jyly mamyrda "Arqankergen" ýaqytsha shekara zastavasynda 14 qatardaǵy jaýynger men bir ınspektordy óltirgeni úshin kináli dep tanyldy. Vladıslav Chelahqa jappaı kisi óltirdi degen aıyp taǵyldy. Úkim shyǵarylǵannan soń keıingi quzyrly organdar birinshi satydaǵy sot sheshimin ózgertken joq.