Almaty oblysy ákiminiń ókimimen jáne memlekettik qyzmet isteri agenttigi kelisimimen Danıar Abzalıdenuly Alıev oblystyń mádenıet, arhıvter jáne qujattama basqarmasynyń basshysy laýazymyna taǵaıyndaldy.

Danıar Abzalıdenuly 1986 jyly dúnıege kelgen. 2008 jyly Abaı atyndaǵy Qazaq ulttyq pedagogıalyq ýnıversıtetinde «tarıh» mamandyǵy, 2010 jyly Abaı atyndaǵy Qazaq ulttyq pedagogıalyq ýnıversıtetinde «tarıh magıstri», 2020 jyly «Almaty» ýnıversıtetinde «quqyq» mamandyǵy boıynsha bilim alǵan.

Eńbek jolyn 2008 jyly Qazaqstan Respýblıkasynyń ortalyq memlekettik muraǵatynda qor saqtaý bóliminiń meńgerýshisi bolyp bastaǵan.

Ár jyldary Almaty qalasy tarıhynyń murajaıynda ǵylymı qyzmetker, bólim meńgerýshisi, ǵylymı qyzmetkeri, Almaty qalasy mádenıet basqarmasynyń bas mamany, basqarma basshysynyń orynbasary, «Nur Otan» partıasynyń Almaty qalasy boıynsha fılıalynda konsýltant, bólim meńgerýshisi laýazymdarynda qyzmet atqarǵan.

2022 jyldyń qyrkúıek aıynan Qazaqstan Respýblıkasy Mádenıet jáne aqparat mınıstrliginde komıtet tóraǵasynyń orynbasary bolyp eńbek etken.