1999 jyldan beri jyl saıyn álemde 29 qyrkúıekte Dúnıejúzilik júrek kúni atap ótiledi.

Onyń maqsaty – qoǵamnyń nazaryn densaýlyq saqtaý máselelerine aýdarý jáne júrek-qan tamyrlary aýrýlarynyń aldyn alýdyń mańyzdylyǵyn atap ótý. Sebebi, jyl saıyn álemde 18 mıllıonnan astam adam júrek-qan tamyrlary aýrýlarynan qaıtys bolady.

«Aǵzalardyń jaǵdaıy jáne adamnyń ómir súrý uzaqtyǵy júrektiń jáne búkil júrek-qan tamyr júıesiniń durys jumys isteýine baılanysty. Júrek aýrýlarynyń aldyn alý densaýlyq pen uzaq ómir súrýdi qamtamasyz etýde sheshýshi ról atqarady», - deıdi Kardıologıa jáne ishki aýrýlar ǴZI Konsýltasıalyq-dıagnostıkalyq ortalyǵynyń kardıology, joǵary sanatty dáriger, medısına ǵylymdarynyń kandıdaty Botagóz Qystaýova.

Júrek aýrýlarynan saqtaný úshin:

• Durys tamaqtanyńyz. Maıly tamaqtan tartynyńyz!
• Fızıkalyq belsendi bolyńyz – turaqty jattyǵýlardy toqtatpańyz!
• Qalypty salmaqty saqtańyz – artyq salmaq júrek aýrýyna ákelýi ábden múmkin!
• Zıandy ádetterden (shylym shegý, alkogóldi sýsyndar men ishimdik) bas tartý kerek!
• Kúızelispen kúresip úırenińiz!

Qan qysymyn únemi ólshep, dárigerge tekserilip turyńyz. Turaqty medısınalyq tekserýler – densaýlyqty baqylaý jáne júrek-qan tamyrlary aýrýlarynyń aldyn alýda óte mańyzdy.

Eger júrek-qan tamyrlary aýrýlaryńyz bolsa, taǵaıyndalǵan em men dárigerdiń usynystaryn qatań saqtańyz.

Júrek-qan tamyrlary aýrýlarynyń aldyn alý – ózimizge kerek. Ómir boıy salaýatty ómir saltyn ustaný qıyn. Alaıda osy sharalardy saqtaý júrek problemalarynyń damýy qaýpin azaıtady jáne jalpy densaýlyqty jaqsartady.

Anelá Abaıqyzy