Búgin QR Prezıdenti Ákimshiliginiń kelisimi boıynsha oblys ákimi apparatynyń basshysy laýazymyna Prezıdenttik jastar kadrlyq rezerviniń múshesi Nurlybek Jeńisbekuly taǵaıyndaldy. Jańa basshyny ujymǵa oblys ákimi Serik Shápkenov tanystyryp, aldaǵy qyzmetine sáttilik tiledi.
Nurlybek Jeńisbekuly 1988 jyly týǵan. Abaı atyndaǵy ulttyq pedagogıkalyq ýnıversıtetiniń «fılologıa» fakúltetin támámdaǵan. Reseı Federasıasynyń Prezıdenti janyndaǵy Reseı memlekettik qyzmet akademıasy halyqaralyq qatynastar magıstri. Prezıdenttik jastar kadrlyq rezerviniń múshesi.
Eńbek jolyn 2006 jyly «Qazaqstan» telearnasynda tilshi bolyp bastaǵan. Ár jyldary oblystyq jáne respýblıkalyq telearnalarda redaktor, sarapshy qyzmetterin atqarǵan.
2013-2017 jyldar aralyǵynda Shymkent qalasy jáne Ońtústik Qazaqstan oblysy ákimderiniń baspasóz hatshysy, keńesshisi laýazymdaryn atqardy.
2017 jyly QR Eńbek jáne halyqty áleýmettik qorǵaý mınıstriniń baspasóz hatshysy;
2018 jyly QR Energetıka mınıstrligi Strategıalyq jáne aqparattyq damý departamenti dırektorynyń orynbasary;
2020-2022 jyldar aralyǵynda Nur-Sultan qalasy ákimi apparaty basshysynyń orynbasary;
2022 jyldyń aqpan aıynan bastap taǵaıyndalǵanǵa deıin QR Aqparat jáne qoǵamdyq damý mınıstrligi Aqparat komıteti tóraǵasynyń orynbasary bolyp qyzmet etti.
Bıyl oblys ákiminiń apparat basshysy «A» korpýsynyń memlekettik ákimshilik qyzmetshilerinen memlekettik saıası qyzmetshiler sanatyna aýystyryldy. Nurlybek Jeńisbekuly apparat qyzmetine basshylyq etýmen qatar, ıdeologıa, ishki saıasat, jastar saıasaty jáne din máselelerine jaýap beredi.
Pikir qaldyrý