Antıkor burynǵy ádilet mınıstri Marat Beketaevtyń ustalǵanyn rastady. Ol memleket basshysynyń zańsyz shyǵarylǵan aktıvterdi izdeý jáne qaıtarý jónindegi tapsyrmasyn oryndaý sheńberinde laýazymdyq ókilettikterin asyra paıdalandy degen kúdik boıynsha ustalǵan. 

"Sondaı-aq talap etilmeıtin qyzmetterdi kórsetýge jyl saıynǵy kelisimsharttar jasaý arqyly úlestes kompanıanyń múddelerin qoldady. Bul áreket memleketke úlken zıan keltirdi. Aktıvterdi qaıtarý boıynsha jumys jalǵasýda. Qazirgi ýaqytta kúdikti sottyń sanksıasymen qamaýǵa alyndy. Tergeý múddesi úshin basqa aqparat jarıa etilmeıdi", delingen vedomstvanyń málimdemesinde. 

Marat Beketaev 2016 jyldan 2022 jylǵa deıin Ádilet mınıstri qyzmetin atqardy. Ol qańtar oqıǵalarynan keıin qyzmetinen ketti.