Búgin memleket basshysy Qasym-Jomart Toqaev aqyn, kópke belgili "Kók týdyń jelbiregeni" ániniń sózin jazǵan Almas Ahmetbekulyn "Qurmet" ordenimen marapattady. 

Almas Ahmetbekuly – 1961 jyly QHR, Tarbaǵataı aımaǵynda dúnıege kelgen. 1982 İle pedagogıkalyq ınstıtýtynyń Fılologıa fakúltetin támamdaǵan. 1982-1992 jyldar aralyǵynda Sháýeshek qalasynda shyǵarylatyn «Tarbaǵataı» ádebı jýrnalynyń redaktory bolyp qyzmet atqaryp, 1993 jyly tarıhı Otanyna oraldy.

Aqynnyń «Daýys», «Shıryǵý», «Kók týdyń jelbiregeni» dep atalatyn kitaptary jaryq kórgen. 

1993-1995 jyldary «Jas Alash» gazetinde tilshi, 1996-2006 jyldary ál-Farabı atyndaǵy QUÝ jýrnalısıka fakúltetinde aǵa oqytýshy bolyp qyzmet atqarǵan. 1997 jyly QR Parlament Májilisinde baspasóz qyzmetkeri bolyp jumys istegen.