Qazaqstan – jas ult. 2021 jyldyń qorytyndysy boıynsha qazaqstandyqtardyń ortasha jasy 32 jasty qurady, bul jastar sanatyna jatady. Bul týraly Ulttyq statısıka búrosy Halyq sanaǵy departamentiniń dırektory Nurlan Qojakov habarlady. 

«Elimizdegi halyqtyń ortasha jasy baıaý ósip jatyr. Ótken sanaqpen salystyrǵanda, 2021 jyly ortasha jas 31-den 32-ge deıin ósti. Mysaly, Eýropa elderindegi ortasha jas Makedonıa men Norvegıada – 39.5 jastan Germanıa, Italıa jáne Grekıada – 46.5 jasqa deıin qubylady. Amerıka Qurama Shtattarynda ortasha jas – 38.5 jas, al Qytaıda 38.4 jasty quraıdy. Halyqtyń qartaıý úrdisin TMD elderinde de baıqaýǵa bolady: Armenıada ortasha jas – 36.6 jas, Reseıde – 40.3 jas, Belarýsta – 40.9 jas»