Almatyda jyl sońyna deıin kúnine 800-den astam adamǵa qyzmet kórsetetin úsh jańa dene shynyqtyrý-saýyqtyrý kesheni ashylady. 2023 jyldyń sońyna deıin Almatynyń birneshe aýdandarynda zamanaýı dene shynyqtyrý-saýyqtyrý keshenderi paıda bolady.

Almaty ákimi Erbolat Dosaevtyń tapsyrmasymen qalada balalar men jastardy qoljetimdi sport seksıalarymen qamtamasyz etý, halyqty salaýatty ómir saltyna tartý, ult densaýlyǵyn saqtaý jáne arttyrý úshin zamanaýı dene shynyqtyrý-saýyqtyrý keshenderi paıda bolady.

Almaty ákimdiginiń málimetinshe, olar Medeý aýdanynyń «Alataý», Túrksib aýdanynyń «Jas Qanat», Alataý aýdanynyń «Zerdeli» shaǵyn aýdandarynda ornalasady.

Almaty qalasynyń qurylys basqarmasy olardyń qurylysy kestege sáıkes, 2023 jyldyń sońyna deıin aıaqtalatynyn habarlady. Bıyl qarasha aıynda Alataý jáne Medeý aýdandarynda dene shynyqtyrý-saýyqtyrý keshenderi paıdalanýǵa beriledi. Túrksib aýdanyndaǵy dene shynyqtyrý-saýyqtyrý kesheni jyl sońyna deıin tapsyrylady. 

Bul sport keshenderiniń ereksheligi, qalada balalar sportyn damytý úshin mundaı ǵımarattar bolmaǵan. Árbir dene shynyqtyrý-saýyqtyrý kesheni aýdannyń sport seksıalaryndaǵy barlyq bazalyq qajettilikti eskere otyryp salynǵan.

Alataý shaǵyn aýdanyndaǵy dene shynyqtyrý-saýyqtyrý kesheni 1,42 ga jerde salynǵan, ǵımarattyń jalpy aýdany 7 930 sh.m., jalpy aýysymda shamamen 150 adamdy qabyldaı alady, eki aýysymdyq jumys kezinde kúnine 300-ge jýyq bala qatysa alady. 
Aýmaqtyq múmkindikti eskere otyryp, keshende: sport zaly, 6 jolǵa arnalǵan 25 metrlik baseın, balalar baseıni, dene shynyqtyrý-saýyqtyrý kesheni aýmaǵyndaǵy tenıs korty, trenajer zaly, kúsh jattyǵýlary zaly qarastyrylǵan.

«Jas Qanat» shaǵyn aýdanynda dene shynyqtyrý-saýyqtyrý kesheni bir aýysymda shamamen 150 adam, eki aýysymda kúnine 300-ge jýyq balany qabyldaı alady. Keshen ýchaskesiniń jalpy aýdany – 1,36 ga, ǵımarattardyń jalpy aýdany – 7 394 sh. m.
Sport kesheni jalpy sport zalynan, 6 jolǵa arnalǵan 25 metrlik baseınnen, balalar baseıninen, trenajer zalynan, kúsh jattyǵýlary zalynan turady.

«Zerdeli» shaǵyn aýdanyndaǵy dene shynyqtyrý-saýyqtyrý kesheni bir aýysymda 98 adamǵa eseptelgen, kúnine 196 bala qabyldaı alady. Sport kesheniniń aýdany 1,59 ga, ǵımarattyń aýdany – 3 220 sh. m. Sport bólmelerine mynalar kiredi: sport zaly, sport zaly, boks zaly, horeografıa zaly, ústel oıyndary zaly. 

Sonymen qatar, normatıvterge sáıkes barlyq dene shynyqtyrý-saýyqtyrý kesheninde kıim-keshek bólmesimen, dýsh bólmelerimen, sonymen qatar, múmkindigi shekteýli azamattarǵa beıimdelgen sanıtarlyq toraptarmen jabdyqtalǵan.  

Jalpy, úsh keshen bazasynda sportpen shuǵyldaný boıynsha barlyǵy 122 top ashylady. Negizgi baǵyttar jekpe-jek, sporttyq oıyndar, sý jáne basqa da sport túrleri bolady. 

Osylaısha, Almatyda kúnine 800-den astam bala men jasóspirim óte qolaıly jaǵdaıda sportpen shuǵyldana alady.