Ǵaza sektoryndaǵy qazaqstandyqtar evakýasıalana bastaıdy. Birinshi kezeńde 40 azamat elden shyǵarylady. Bul týraly Syrtqy ister mınıstrligi habarlady. 

"13 qarashada 44 azamattan turatyn birinshi topty evakýasıalaý josparlanǵan. Oǵan Qazaqstannyń 40 azamaty jáne tórt sheteldik – olardyń otbasy músheleri kiredi. Evakýasıalanatyndardyń arasynda basqa toǵyz eldiń ókilderi bar – Marokko, Iordanıa, Reseı, Ispanıa, Shvesıa, Perý, Nıderlandy, Ulybrıtanıa, AQSH", - dedi SİM resmı ókili Aıbek Smadıarov.

Evakýasıa Gaza sektory men Egıpet arasynda ornalasqan Rafah baqylaý beketi arqyly júzege asyrylady. Ótkennen keıin qazaqstandyqtar Kaırge jer ústi kóligimen jetkizilip, qonaq úıge ornalastyrylady.