Burynǵy májilis depýtaty Nurjan Áltaev 10 jylǵa sottaldy, dep habarlaıdy Qamshy.kz aqparat agenttigi. Oǵan para aldy degen aıyp taǵylǵan edi. 

"Astana qalasynyń qylmystyq ister jónindegi mamandandyrylǵan aýdanaralyq soty asa iri mólsherde para alý faktisi boıynsha eks-vıse-mınıstr A.-ǵa qatysty úkim shyǵardy (QK 366-babynyń 4-bóligi). Sot ne belgiledi: eks-vıse-mınıstr 2018 jyldyń aqpanynan 2020 jyldyń shildesine deıin «Atameken» UKP múddeleri úshin tıimdi resmı sheshim qabyldaýǵa yqpaldasyp, deldal arqyly M.-dan jalpy somasy 115 myń AQSH dollary jáne 8 mln.150 myń teńge aqshany para retinde aldy. Sottalýshynyń kinási kýágerlerdiń aıǵaqtarymen, uıaly telefondaǵy hat-habarlarmen, jasyryn tergeý áreketteriniń jazbalarymen, saraptama aktilerimen, zattaı dáleldemelermen jáne t.b. dáleldendi", – delingen habarlamada.

Ol ózine taǵylǵan aıyppen kelispegen. Buǵan deıin prokýror Áltaevty 12 jyl kolonıaǵa qamap, belgili bir laýazymdy qyzmetti atqarý quqyǵynan ómir boıyna aıyrýdy suraǵan.

Prokýrordyń aıtýynsha, eks-depýtat Eńbek jáne halyqty áleýmettik qorǵaý vıse-mınıstri bolyp turǵan kezde “2018-2020 jyldar aralyǵynda deldaldar arqyly 50 mln teńgeden artyq para alǵan”. Qylmystyq is qylmystyq kodekstiń 366-baby 4-bóligi boıynsha qozǵalǵan.