Astanada «WorldSkills Kazakhstan 2023» VIII Respýblıkalyq kásibı sheberlik chempıonaty ótti. Jarysqa 22 jasqa deıingi 545 maman jáne elimizdiń túkpir-túkpirinen 520 sarapshy qatysty.

Kolej stýdentteri 30 quzyrettilik boıynsha óz daǵdylary men kásibı sheberlikterin kórsetti. Ásirese, «Shashtaraz óneri», «Kirpish qalaý», «Mobıldi robototehnıka», «Mehatronıka», Kondıterlik is», «Kishi synyptarda oqytý» baǵyttarynda basqa óńirlerden ilgeri boldy.

Búgin Astana qalasynyń Beıbitshilik jáne kelisim saraıynda Respýblıkalyq chempıonatqa qatysýshylardy saltanatty marapattaý rásimi ótti.

Chempıonat qorytyndysy boıynsha Abaı oblysynyń komandasy jalpy komandalyq esepte 1 oryndy ıelendi (altyn - 6, kúmis - 2, qola - 3 jáne 12 medalón).

Chempıonat jeńimpazdary Qazaqstandy 2024 jylǵy 10-15 qyrkúıegi aralyǵynda Fransıada ótetin «WorldSkills Lyon - 2024» halyqaralyq birinshiliginde tanystyrýdyń biregeı múmkindigine ıe boldy.