Óz elimizde mádenıet ógeıdiń kúnin keshýde – Abzal Quspan

/image/2023/12/01/crop-54_14_611x1086_oz-elimizde-m-denietimiz-ogey-kuy-keshude-abzal-k-u-span_1701328203.jpg

Depýtat Abzal Quspan «QR mádenı saıasatynyń 2023-2029 jyldarǵa arnalǵan tujyrymdamasyn» qaıta qarastyrýdy usyndy. Májilis depýtaty Abzal Quspan eldegi mádenıetimizdiń jaı-kúıine alańdaýshylyq bildirip, Úkimet basshysynyń orynbasary Tamara Dúısenovaǵa depýtattyq saýal joldady.

"Mádenıetti adam qylmys jasamaq turmaq, jaǵymsyz iske bara qoımaıdy, óziniń jaqsy sózi, ádepti isimen aınala ortasyn tárbıelep, qoǵamdy saýyqtyrady.

Mádenıeti joǵary eldiń, túrmesi bolmaıtyny sondyqtan. Bir kezderi qazaq halqy sondaı az elderdiń biri bolǵan edi.     

Osy jyldyń sáýir aıynda sol kezdegi vıse-premer atyna bir emes 12 depýtat atynan saýal joldap, eldegi mádenıetimizdiń jaı-kúıine alańdaýshylyq bildirgen edik.

Onda qazaqtyń dástúrli mádenıetine qatysty qalyptasqan jaǵdaıǵa toqtalyp, Qazaq Úkimetiniń óz eliniń ulttyq mádenıeti men ózge eldiń mádenıetine qarajat bólýdegi, salystyrýǵa da kelmeıtin ádiletsizdik týraly naqty málimetterdi keltire otyryp, osy keleńsiz tájirıebeni ózgertýdi, bıylǵy jyldyń basynda premer-mınıstrmen bekitilgen mádenıetti damytýdyń 6 jyldyq konsepsıasyn qaıta qarastyrý qajettigin kóterdik", dedi Abzal Quspan. 

Alaıda Abzal Quspan saýalǵa óte formaldy jaýap alǵanyn aıtty. 

"Mádenıet salasyna jaýapty Úkimet músheleriniń mádenıet týraly túsinik-deńgeıi – kúndelikti ótkizilip jatqan konserttermen ólshenetini ókinishti-aq!

Qazirgi tańda sol jaýaptyń avtory Kólginovte, daıyndaýshy mınıstr Oralovta qyzmetterinde joq, sol sebepti osy máselege qaıta oralýdy qajet dep taptym. Sebebi, zańdyq bastama quqyǵy depýtat retinde ózimizde bolsa da, ol úshin áýeli Úkimet tarapynan bekitilip qoıǵan konsepsıany ózgertý qajet", dedi depýtat. 

Depýtattyq saýalynan soń Abzal Quspan Tamara Dúısenovaǵa óz usynysyn aıtty. 

"QR mádenı saıasatynyń 2023 – 2029 jyldarǵa arnalǵan tujyrymdamasyn" qaıta qarastyrý qajet. Eger qazaq mádenıetin damytý máselesi boıynsha uzaq jyldarǵa negizdelgen ulttyq konsepsıa jasaqtar bolsaq, tıisti zańnamany da sol konsepsıaǵa saı qabyldaýǵa bizde óz tarapymyzdan at salysýǵa daıynbyz.

Jańa konsepsıany  – tek mınıstrlik sheneýnikterimen emes, mindetti túrde elimizdiń mádenıet salasyna qatysy bar myqty ǵalymdarymyz ben qaıratkerlerimizdiń aralasýymen júzege asyrsaq degen usynysym bar.

Kóterilip otyrǵan máseleniń aýqymdylyǵy ári reglamentti saqtaý maqsatynda osy máselege qatysty buryn jarıalaǵan depýtattyq saýalymdy, «Egemen Qazaqstan», «Túrkistan», «Qazaq ádebıeti» gazetterindegi kólemdi suhbattarymdy jáne kúni keshe baspadan shyqqan «Ózbekáli jáne mádenı maıdan» kitabymdy qosa joldaımyn", dep aıtty Abzal Quspan. 

Pikir qaldyrý

Qatysty Maqalalar