Paıdalanylmaǵan jáne aýyl sharýashylyǵy jerlerin buza otyryp berilgen 10 mln gektar jer memlekettik menshikke qaıtaryldy, dep habarlaıdy Qamshy.kz aqparat agenttigi úkimettiń baspasóz qyzmetine silteme jasap.

"Júrgizilgen jumystardyń nátıjesinde paıdalanylmaı jatqan jáne zańnamany buza otyryp berilgen 10 mln gektar aýyl sharýashylyǵy jerleri memleket menshigine qaıtaryldy. Sondaı-aq jaıylymdyq jer tapshylyǵy máselesiniń ózektiligin eskere otyryp, qaıtarylǵan jerlerdi tıisti eldi mekenderge bekitý arqyly basym tártippen sharýalardyń qajettilikteri úshin berilýde", delingen habarlamada. 

Tıisti jumystar 2022-2023 jyldar aralyǵynda júrgizilgen. Alaıda bul jerlerdiń naqty kimderge tıesili ekeni aıtylmaǵan. Keı qoǵam belsendileri úkimet jer máselesinde ashyq bolýy keregin aıtady.