Pragadaǵy Karl ýnıversıtetinde 14 adam qaza tapqan jappaı atystan keıin Chehıada qaraly kún dep jarıalandy. Bul týraly Chehıa premer-mınıstri Petr Fıala málimdedi. Ol úkimettiń kezekten tys otyrysynan keıingi brıfıńte sóz sóıledi.
Bir kún buryn Pragadaǵy Karl ýnıversıtetiniń fılosofıa fakúltetiniń 24 jastaǵy stýdenti Davıd K. aýdıtorıadaǵy stýdentterge, sondaı-aq sol kezde Ian Palah alańyndaǵy oqý ornynyń janyna ótip bara jatqan adamdarǵa vıntovkadan oq atqan.
Atys saldarynan 14 adam qaza taýyp, taǵy 25 adam jaralandy, onyń 11-iniń jaǵdaıy aýyr.
Polıseılerdiń aıtýynsha, stýdent óz áreketin shet elderdegi osy sekildi jaǵdaılardy zerttep, oǵan muqıat daıyndalyp, salqynqandylyqpen jasaǵan. Sodan keıin ol óz-ózine qol jumsady.
Chehıa úkimetiniń basshysy ýnıversıtette bolǵan oqıǵaǵa eldiń barlyq azamattary eseńgirep qalǵanyn aıtty.
"Úkimettiń arnaıy otyrysy ótti, oǵan respýblıka prezıdenti men parlamenttiń tómengi palatasynyń spıkeri qatysty. Biz 23 jeltoqsandy memlekettik aza tutý kúni dep jarıalaý týraly sheshim qabyldadyq. Bul kúni saǵat 12.00-de (Astana ýaqytymen 17.00) bárimiz osy qorqynyshty jaǵdaıdyń qurbandaryn bir mınýt únsizdikpen eske alamyz", - dedi Fıala.
Pikir qaldyrý