Qasym-Jomart Toqaev áleýmettik jelide taraǵan "2026 jyly taǵy da saılaýǵa qatysady" degen aqparatty joqqa shyǵardy. Prezıdenttiń aıtýynsha, budan keıin zańǵa ońdy-soldy ózgeris engizilmeıdi.
"Osyndaı mańyzdy máselege kelgende, tipti múmkin emes. Men buǵan nyq senimdimin. Konstıtýsıalyq reforma Ata zańǵa qalaı bolsa solaı ózgeris engize berý úshin jasalǵan joq.
Prezıdent laýazymyna bir-aq ret saılaný týraly ereje endi eshqashan ózgermeıdi. Bul talap memleketimizdiń táýelsizdigi, birtutastyǵy, aýmaqtyq tutastyǵy jáne basqarý nysany týraly normalar sıaqty myzǵymastaı etip bekitilgen", dep jaýap berdi prezıdent.
Toqaev jetijyldyq merzim týraly ıdeıany 15 jyl buryn da túrli jabyq pikirtalastarda aıtyp júrgenin eske aldy.
"Sol kezde usynys asa qoldaý taba qoımady. Ózim Prezıdent bolyp saılanǵannan keıin, osy bastamamnyń artyqshylyǵy men kemshiligin ábden salmaqtap, ony qalaı júzege asyrýǵa bolatyny jóninde kóp oıladym.
Sýperprezıdentke tán ókilettikterdi joıý úshin 2022 jyly Konstıtýsıaǵa birqatar mańyzdy ózgeris engizildi. Men sol kezde jetijyldyq bir merzim ıdeıasyn qaıta usyndym. Bastamama búkil halyq qoldaý bildirdi. Osymen bul áńgime támam", dedi Qasym-JomartToqaev.
Pikir qaldyrý