Oralda dámhanada bolǵan jarylystan keıin 4 adam jansaqtaý bólimine tústi. Oblystyq densaýlyq saqtaý basqarmasynyń basshysy Erlan Toqsanovtyń málimetinshe, oqıǵa ornynan qalalyq kópbeıindi aýrýhanaǵa 6 adam jetkizilgen. Bireýi ambýlatorıalyq emge jiberilgen. Jeńil kúıik alǵan bir adam osy aýrýhananyń travmotolgıa bólimine jatqyzyldy.
"4 adam jansaqtaý bóliminde jatyr. Arasynda bir naýqastyń oń ıyǵy synǵan. Mıy shaıqalǵan. Qalǵan úsheýiniń denesin 15%-ten 52%-ke deıin kúıik shalǵan. Jaǵdaıy óte aýyr", - deıdi Erlan Toqsanov.
Zardap shekkenderdiń ekeýi Ózbekstan azamaty. Aýrýhanada jatqan bes adamnyń úsheýi er, ekeýi áıel adam. Buǵan deıin oblystyq tótenshe jaǵdaılar departamenti jarylys bolǵan jerden eki adamnyń máıiti tabylǵanyn habarlaǵan bolatyn.
Pikir qaldyrý