Tótenshe jaǵdaılar mınıstri Syrym Sháriphanov Qaraǵandy oblysynda Kostenko atyndaǵy shahtada bolǵan apattan keıingi úkimettik komısıanyń tergeý qorytyndysyn bólisti.
Mınıstrdiń aıtýynsha, tergeýge qatardaǵy qyzmetkerler emes, tótenshe jaǵdaıǵa tikeleı jaýapty ınjenerlik-tehnıkalyq personal alynǵan.
"Úkimettik komısıa jumysynyń qorytyndysy boıynsha biz 19 adamdy anyqtadyq. Bul jaýapty laýazymdy tulǵalar. Materıaldar tergeý organdaryna tapsyrylǵan, olardyń kinásin sot anyqtaıdy", - dep málimdedi Sháriphanov úkimette ótken brıfıńte.
Osy oraıda mınıstr tergeýge alynǵan laýazymdy tulǵalardyń esimin atady.
"AMT bas dırektory Iablonskıı, personal jónindegi dırektor Vınokýrova, kómir departamentiniń tehnıkalyq dırektory Belyı myrza, kómir departamenti atqarýshy dırektorynyń orynbasary Ogaı jáne taǵy basqalary", - dedi ol.
Tótenshe jaǵdaılar mınıstri Kostenko atyndaǵy shahtada bolǵan apatty tergeýge Qazaqstannan jáne shetelderden saraptamalyq uıymdar tartylǵanyn aıtty.
"Apat sebepterin tergeý aıasynda Úkimettik komısıa múshelerimen birge shahtaǵa tústim. Biz óte mańyzdy olqylyqtardy anyqtadyq. Taý-ken qazbalarynda shahta jabdyqtary jyljyp ketken. 15-ten asa oqshaýlaǵysh bóget pen jeldetý qurylysy qıraǵan", - dedi vedomstvo basshysy.
Pikir qaldyrý