Prokýratýra byltyr "Metropolıten" KMK, "Almatymetroqurylys" AQ laýazymdy tulǵalaryna qatysty búdjet qarajatyn jymqyrý deregi boıynsha tergeýdi aıaqtady, - dep habarlaıdy Qamshy.kz aqparat agenttigi Bas kólik prokýratýrasyna silteme jasap.

Bas kólik prokýratýrasynyń keńeıtilgen alqa otyrysynda 2023 jyldyń jumysy qorytyndylandy. Jumystar nátıjesinde memleketke 53 mıllıard teńgeden asa somaǵa aktıvter qaıtarylǵan.

"Metropolıten" KMK, "Almatymetroqurylys" AQ laýazymdy tulǵalaryna jáne basqa da tulǵalarǵa qatysty 5 mlrd teńgeden astam somaǵa búdjet qarajatyn jymqyrý jáne Almaty qalasynyń metropolıtenin salý kezinde jalǵan shot-faktýralar jazyp berý derekteri boıynsha tergeý aıaqtaldy. Qylmystyq ismaterıaldary sotqa joldandy", - delingen habarlamada.

Prokýratýranyń úılestirý sharalary boıynsha, kedendik beketterde ("Nur-Joly" beketi, "Qorǵas" shekara mańy yntymaqtastyǵy halyqaralyq ortalyǵy) júkterdiń ótkizý qabileti 4 esege artyp, taýarlardy jetkizý merzimin 2 aıdan 10 kúnge deıin qysqarǵan.

Sondaı-aq, prokýratýranyń talaby boıynsha jergilikti atqarýshy organdar Almaty, Shymkent, Astana jáne Túrkistannyń áýeaımaq mańyndaǵy kezdeısoq qoqystardy joıǵan.

Qadaǵalaýshy organnyń úılestirýi nátıjesinde, ushaqtardyń qustarmen soqtyǵysý jaǵdaıy áýejaılarǵa jaqyn mańdarda aıtarlyqtaı jaqsardy. Mundaı jaǵdaılardyń 60 paıyzǵa tómendeýi tirkelgeni aıtyldy.